Ngiting tagumpay at masayang natapos ng Department of Agriculture – Adaptation and Mitigation Initiative in Agriculture (DA-AMIA) ang isang hands-on training ukol sa Farm Mechanization and Equipment Handling na nilahukan ng mga magsasaka mula sa mga bayan ng Marcos, Badoc, at Solson noong nakaraang linggo July 23-24, 2026.
Layunin ng pagsasanay na ito na palakasin ang kaalaman at kasanayan ng mga lokal na magsasaka sa paggamit at pagpapanatili ng mga makabagong kagamitang pangkabuhayan sa pagsasaka upang mapataas ang kanilang ani at kita.
Dumalo at nakiisa sa nasabing gawain si Engr. Orlan Binala mula sa Office of the Provincial Agriculturist (OPAG), kasama ang mga opisyal mula sa Local Government Units (LGUs), at ang mga mismong magsasakang benipisyaryo ng programang AMIA.
Ang inisyatibong ito ay bahagi ng patuloy na pagtataguyod ng Department of Agriculture upang maihanda ang mga komunidad sa hamon ng pagbabago ng klima sa pamamagitan ng teknolohiya.